Një turiste gjermane ka ndërruar jetë, ndërkohë që pushonte në një kamping në Zvërnec. Policia e lorës njofton se 41-vjeçarja me inicialet J.K, është dërguar pa shenja jete në spitalin rajonal të Vlorës.
Në njoftimin e policisë thuhet se nga veprimet e para hetimore dyshohet se kjo shtetase e ka humbur jetën për shkaqe natyrale, ndërsa grupi hetimor vijon punën për përcaktimin e shkakut të humbjes së jetës.
Njoftimi i policisë:
Vlorë/Informacion paraprak
Rreth orës 14:00, në spitalin rajonal të Vlorës, është dërguar pa shenja jete shtetasja gjermane L. K., 41 vjeçe.
Nga veprimet e para hetimore dyshohet se kjo shtetase e ka humbur jetën për shkaqe natyrale, ndërkohë që pushonte në një kamping në Zvërnec.
Grupi hetimor vijon punën për përcaktimin e shkakut të humbjes së jetës.
