Sot në Gjykatën e Prishtinës do të zhvillohet seanca gjyqësore ndaj Naim Murselit dhe dy të akuzuarve të tjerë për vrasjen e Liridona Ademaj. Leonard Ademaj, vëllai i viktimës, thotë se dhimbja vetëm sa shtohet dhe familja nuk po gjen ngushëllim.
Reagimi i Leonardit:
“Sot në ora 13:20 vazhdon gjykimi për vrasjen e Liridonës tonë. I ftojmë mediat që ta përcjellin seancën.
Dhimbja po na shtohet dhe nuk gjejmë asnjë ngushëllim sa herë e mendojmë dhe e shohim se si dy fëmijë të vegjël po rriten pa nënën e tyre.
Urojmë që gjykimi të përfundojë shpejtë.”
Naim Murseli akuzohet se ka urdhëruar vrasjen e bashkëshortes së tij, Liridona Ademaj. Si ekzekutor dyshohet Granit Plava, ndërsa ndihmës një person i tretë.
Liridona u vra në sytë e dy fëmijëve të mitur dhe Naimi tentoi ta paraqiste ngjarjen si një tentativë grabitjeje.
