Një ngjarje e rëndë ka ndodhur në zonën e Ali Demit, ku një 15-vjeçar është plagosur me armë zjarri në ambientet e një picerie. Policia njofton se pas një hetimi të shpejtë, është bërë i mundur arrestimi i autorit të dyshuar.
Në pranga ka rënë 21-vjeçari Aldo Neziri, i cili akuzohet për veprat penale të “plagosjes së rëndë me dashje” dhe “armëmbajtjes pa leje”. Arrestimi është kryer nga shërbimet e Komisariatit të Policisë Nr. 1, në bashkëpunim me strukturat e tjera hetimore.
I mituri i plagosur po trajtohet në Spitalin e Traumës dhe ndodhet jashtë rrezikut për jetën. Policia vijon hetimet për zbardhjen e plotë të rrethanave të ngjarjes dhe motivet që çuan në konfliktin e armatosur.
