Arlind Qori, kreu i Lëvizjes “Bashkë”, ka bërë thirrje për një protestë masive këtë të hënë, në orën 17:00, para Ministrisë së Brendshme, për të kërkuar zbardhjen e plotë të ngjarjes që përfshin policin Azbi Spahiu dhe arrestimin e djalit të oligarkut Samir Mane.
Qori thekson se deklaratat e institucioneve publike deri tani vetëm sa e kanë thelluar misterin, duke krijuar përshtypjen e një omertaje mafioze, ku të gjithë – nga oligarkët deri te qeveritarët – po bashkëpunojnë për të fshehur të vërtetën.
“Lëvizja jonë kërkon transparencë dhe drejtësi. Nuk do të lejojmë që pushteti abuziv dhe korrupsioni të mbajnë qytetarët peng. E vërteta do të na bëjë të lirë dhe do të na japë guximin për të transformuar vendin tonë,” deklaroi Qori.
