Sali Berisha ka justifikuar thirrjen për protestën e sotme para Ministrisë së Brendshme duke thënë se nuk ka lidhje me ngjarjen ku është përfshirë një punonjës i rendit që u hodh nga lartësia e pallatit dhe djali i biznesmenit Samir Mane. Sipas tij, thirrja për protestë ka lidhje me ngjarjen e Pogradecit ku humbi jetën Egli Proda dhe atë të 14-vjeçarit Martin Çani.
Për ngjarjen e fundit, si rrallëherë, Sali Berisha thotë se nuk ka informacion, duke mos e përmendur dot as emrin e djalit të biznesmenit Mane. Kryetari i PD zakonisht nuk kursen asnjë emër, qoftë dhe i mitur kur bëhet fjale për të denoncuar qeverinë, por në këtë rast ka heshtur duke zgjedhur atë që thotë familja dhe jo zbardhjen e ngjarjes.
“Do të respektoj atë që tha familja e oficerit të policisë. Në raste kur pretendohet për probleme strikt individuale, siç thotë familja, ndërhyrja nuk më duket se është e drejtë.”
