Struktura e Posaçme Kundër Korrupsionit dhe Krimit të Organizuar (SPAK) ka zbuluar detaje të një operacioni të përbashkët me autoritetet italiane, që ka çuar në goditjen e një rrjeti të fuqishëm kriminal me origjinë nga Shqipëria. Prokurori Vladimir Mara bëri të ditur se hetimi është zhvilluar falë një bashkëpunimi të ngushtë dhe përdorimit të të dhënave nga platforma e enkriptuar Sky ECC, e cila ndihmoi në zbulimin e organizimit të plotë të këtij grupi ndërkombëtar.
Sipas SPAK, grupi ushtronte aktivitet të strukturuar kriminal në trafikun e lëndëve narkotike nga Shqipëria drejt Italisë, e më pas në vende të tjera të Bashkimit Europian si Gjermania, Belgjika, Holanda dhe deri në Amerikën e Jugut. Hetimi ka dokumentuar mbi 30 episode të qarkullimit të parave në vlerën e rreth 5 milionë eurove.
Në kuadër të këtij operacioni janë lëshuar 52 masa sigurie në Shqipëri dhe Itali, nga të cilat janë ekzekutuar 40. Midis të arrestuarve janë edhe zyrtarë shtetërorë si dhe një avokat, të përfshirë në vepra korruptive.
Gjithashtu, janë sekuestruar një sërë pasurish që dyshohen se rrjedhin nga veprimtaria kriminale e këtij grupi, përfshirë:
- 3 restorante në Durrës
- 1 bar-kafe
- 6 shoqëri tregtare
- 1 televizion në qytetin e Vlorës
- 3 milionë euro në para cash
Hetimi ka përfshirë përgjime telefonike dhe analizimin e komunikimeve të koduara, duke dokumentuar në mënyrë të detajuar të gjithë ciklin e trafikut të drogës dhe rrjetin financiar që e mbështeste.
Baza? Zyrtarë të drejtësisë përfshirë? Dekonspirim ?
Dumani: Vlerësimi që bëjmë ne, ndër nëntë rrezikshmit, ne dhe grupi italian vlerësojmë të tillë nga të ardhurat, trafiku i kokainës nga Amerika Latine, Europë, etj. Qendra e grupit ishte qyteti i Durrësit. Ne lidhje me emrat ne japim vetëm gjeneralitete. Ne nuk japim identitetit e personave ndaj personave janë dhënë masat.
