Në kuadër të aksionit antidrogë që po zhvillohet nga SPAK në disa qytete të vendit, është firmosur urdhër-arresti edhe për Ervis Docin, i njohur ndryshe si Visi Poja. Doci është nipi i Xhevdet Troplinit, i njohur si Poja. Gjatë një aksioni të zhvilluar vitin e kaluar, në oborrin e një prej pronave të tyre u zbuluan 3 milionë euro cash.
Në mesin e personave për të cilët është lëshuar urdhër arresti në kuadër të aksionit antidrogë të zhvilluar në dy shtete, është edhe avokati Armand Tragaj dhe një ish-zyrtar policie. Po ashtu, janë sekuestruar pasuri me vlerë miliona euro.
