Një shtetas italian ka ndërruar jetë në spital, pasi më herët i ishte nënshtruar një ndërhyrjeje kirurgjikale në një klinikë dentare në Rrugën e Kosovarëve.
“Më datë 22.05.2025, ka shkuar për mjekim në spital shtetasi italian D. S., 63 vjeç, me banim të përkohshëm në Tiranë, pasi dyshohet se pas një ndërhyrjeje kirurgjikale më datë 20.05.2025, në një klinikë dentare në Rrugën e Kosovarëve, nuk është ndier mirë. 63-vjeçari, pavarësisht ndihmës mjekësore të marrë, ka ndërruar jetë mëngjesin e sotëm”, njoftoi policia.
Policia bëri me dije se ka marrë në pyetje administratorin dhe dentistin e klinikës që kreu ndërhyrjen, ndërsa rasti është referuar në prokurori.
