Deputetët e Rithemelimit kanë nisur mbledhjen e grupit parlamentar të drejtuar nga Gazment Bardhi. Sot pritet të merret vendimi për pjesmarrjen ose jo në komisionin e posaçëm të reformës zgjedhore, propozim i Edi Ramës dhe që do të drejtohet nga Fatmir Xhafaj. Mbledhja ka nisur me debate pro dhe kundër. Dhurata Çupi dhe Gazment Bardhi duket se përkrahin idenë për të marrë pjesë në këtë komision. Kundër janë rreshtuar Ervin Salianji dhe Ferdinand Xhaferri.
Flamur Noka sapo deklaroi në një intervistë televizive se Rithemelimi nuk do të votojë për këtë komision, duke përjashtuar pjesmarrjen. Këto komente zoti Noka i bëri ndërkohë që në zyrat e Kuvendit vijon mbledhja ku ka zëra pro dhe kundër pjesmarrjes në këtë komision.
Nesër në seancën plenare pritet të konstituohet pjesmarrja dhe drejtimi i këtij komisioni. Nuk dihet nëse ka ftesë për deputetët e grupit të Lulzim Bashës. Në opinionin publik, komisioni që do të drejtohet nga Fatmir Xhafaj ka nisur të identifikohet si “komisioni anti-Spak”
