Në mbledhjen e ditës së sotme, Kryesia e Partisë Demokratike ka caktuar datën e protestës kombëtare që do të mbahet në 12 korrik, në orën 20:00. Protesta do të zhvillohet si zakonisht në bulevardin “Dëshmorët e Kombit”, ndërsa podiumi do të vendoset para Kryeministrisë.
Kryesia gjithashtu ka vendosur të mblidh të premten Këshillin Kombëtar të PD-së. Kjo është protesta e parë kombëtare e thirrur nga PD në muajt e fundit dhe e para që pas marrjes së vulës dhe logos nga grupimi i Rithemelimit, pas vendimit të Gjykatës së Apelit.
Kujtpjmë se në protestën poshtë shtëpisë së tij, Berisha ka bërë thirrje për Qeveri teknike, duke u shprehur se Edi Rama ka humbur legjitimitetin dhe qëndron në pushtet për shkak të dobësisë së opozitës.
