Gjatë votimit për zgjedhjen e kreut të Këshillit Kombëtar të Partisë Demokratike nuk kanë munguar edhe shenjat e pakënaqësisë nga disa anëtarë demokratë.
Kryetari i PD-së, Sali Berisha, propozoi dy kandidatura, Julia Emirin dhe Silva Hasën, por duket se emrat e tyre nuk janë mirëpritur nga një pjesë e votuesve.
Në disa prej fletëve të votimit janë shënuar mesazhe kundërshtuese. Një anëtar ka kryqëzuar të dy kandidatet, duke shkruar “0 kontribut”, ndërsa në një tjetër fletë është vendosur shënimi “Një turp”.
Ndërkohë, një tjetër votues ka vendosur një kryq të madh mbi emrat e dy kandidateve për drejtimin e Këshillit Kombëtar të PD-së, në shenjë refuzimi ndaj propozimeve.
