Nesër pritet që të kalojë në Kuvend për votim komisioni i Posaçëm për Antikorrupsionin.
Kreu i Grupit Parlamentar të Rithemelimit Gazment Bardhi deklaroi se nuk do të votojë krijimin e Komisionit të Posaçëm anti-korrupsion pasi mazhoranca nuk është konsultuar me to.
Bardhi tha se duan ti përdorin për propagandë: "Ne nuk bëhemi pjesë e propagandës së Edi Ramës që tallet me këtë çështje nuk bëhemi. Ne jemi seriozë në luftën kundër korrupsionit dhe do ta bëjmë këtë. Rama bën propagandë, le të vazhdojë, ne do ta përballemi me fakte. Ne do të jemi të vërtetë dhe realë në luftën kundër korrupsionit që është interesi më i madh i qytetarëve. Nuk ka patur asnjë konsultim, kanë bërë çdo gjë fakt të kryer. "
Flamur Noka, deklaron se nuk mund të ulen në një tryezë me ata të cilët i kanë akuzuar për korrupsion apo abuzime me tenderat dhe PPP-të.
Vendimi i Rithemelimit për të votuar kundër u be publik pas mbledhjes se grupit nga Bardhi, edhe pse ishte Noka i cili njoftoi para mbeldhjes dhe diakutimeve që vendimi kundër ishte marrë tashmë.
