Mbledhja e Këshillit për Rregulloren, Mandatet dhe Imunitetin pati diskutime për mandate dhe ndryshime në Rregulloren e Kuvendit. Në mbledhjen e Këshillit për Rregulloren, Mandatet dhe Imunitetin, ku u trajtuan tre pika të rëndësishme të rendit të ditës. Në fokus të pikës së parë ishte mocioni i paraqitur nga 1/10 e deputetëve të Partisë Demokratike, për konstatimin e pavlefshmërisë dhe mbarimit të mandatit të deputetit Vullnet Sinaj. Relatorët nga opozita dhe mazhoranca paraqitën raportet e tyre, dhe çështja do të kalojë për votim në seancën e parë plenare pas nisjes së sesionit të ri parlamentar. Më pas, Këshilli shqyrtoi projektvendimin e paraqitur nga deputetet Blerina Gjylameti dhe Sorina Koti, për disa shtesa në Rregulloren e Kuvendit të Republikës së Shqipërisë. Pas diskutimeve, projektvendimi u miratua në parim, nen për nen dhe në tërësi. Në pikën e tretë të rendit të ditës, u diskutua projektvendimi i propozuar nga z. Gazment Bardhi, kryetar i Grupit Parlamentar të Partisë Demokratike, për një shtesë në Rregulloren e Kuvendit. Pas debatit, Këshilli vendosi krijimin e një grupi pune që do të shqyrtojë këtë propozim dhe do të analizojë ndryshimet e tjera të mundshme në Rregulloren e Kuvendit.
