Në nisje të fjalës së saj në Kuvend ministrja e Shëndetësisë Albana Koçiu paralajmëroi dënim për çdo mjek që kryen shkelje gjatë profesionit.
“Padiskutim abuzimi i rëndë me detyrën nga një grup farmacistësh, dhe staf mjekësor që kanë luajtur me njerëzit dhe shëndetin e tyre, kjo vetëm një përgjigje; ndëshkim ligjor, administrativ dhe moral. Për çdo njerin nga ata që kanë nisur hetim, do të mbajnë mbi shpinë moralin e turpin. Për të sanksionuar me ligj ata mjekë, s’mund t’i quaj më as profesionist, që e trajtojnë jetën njerëzore si mall të shumicës, do të përballen me masa që do t’i bëjmë të ditura. Do t’u hiqet e drejta e profesionit në rast se do të bëjnë sjellje amorale nëse cënojnë profesionin e tyre.”, tha ajo.
Ndërkohë që ministrja fliste deputetët e opozitës i kërkuan me tone të larta të japë dorëheqjen.
