Drejtori i Teatrit të Bylisit, Klajdi Marku, i cili mori pjesë në takimin e kryeministrit Edi Rama në Athinë, dhe doli në kamerën e fsheht të emisionit “Piranja” ku deklaronte se ishte detyruar të shkonte bashke me nënpunësit e tjerë, ka dhënë sot dorëheqjen.
Në një deklaratë për mediat lokale në qytetin e Fierit, Marku ka justifikuar deklaratat e tij duke thënë se ka qenë pjesëmarrës me trupën e tij në një aktivitet në Korinth dhe me atë rast kanë marrë pjesë në tubimin e Ramës.
“Po, kam qenë pjesmares ne aktivitet, por kam qene me trupen pjesmares ne aktivitet ne Korinth, kemi dhene shfaqe ne dt 11 maj. Ne daten 12 maj grupi donte të shikonte aktivitetin dhe shkuam” - është shprehur Marku
Por duke i’u referuar fjalëve që thoshtë në kamerën e fsheht ku shpjegonte presionin që kishte dhe që kishte shkuar me detyrim që të mos rrezikonte rrogën e shtetit, është e vështirë ta besosh se vendimi për dorëheqjen e ka marrë vet apo e ka të imponuar nga shefat e tij.
Më shumë se kaq, duket se kryeministri Rama do t’u përcjell një mesazh të gjithë punonjësve të tjerë të administratës që kanë marrë pjesë në atë takim, se nëse flasin, do kenë të njëjtin fat si Klajdi Marku.
