Ish-ministri i Shëndetësisë, Ilir Beqaj, ka dalë nga qelia për të dëshmuar në Komisionin Hetimor të ngritur për çështjet e Sterilizimit dhe Check-Up-it. I rrethuar nga forca të shumta policie, Beqaj u pa duke mbuluar prangat me një xhup gjatë hyrjes në ambientet e Komisionit.
Ai është i akuzuar për përfshirje në çështjen e Sterilizimit, së bashku me ish-zëvendësministrin e Shëndetësisë, Klodian Rrjepaj, biznesmenin Ilir Rrapaj dhe gjashtë të tjerë. Hetimet vazhdojnë ndërsa Beqaj pritet të japë dëshminë e tij për këto akuza të rëndësishme.
