Një ngjarje e rëndë është regjistruar në bregdetin e Tales, në Lezhë, ku dy vajza të mitura kanë humbur jetën pasi janë mbytur në det.
Sipas informacioneve paraprake, viktimat janë J.D 9 vjeç dhe A.m 11 vjeç. Mësohet se dy të miturit ndodheshin në një zonë plazhi të pambikëqyrur dhe pa struktura sigurie apo shërbime mbrojtëse. Dyshohet se ata janë futur në ujë dhe, për shkak të kushteve ende të paqarta, nuk kanë arritur të dalin më në breg.
Menjëherë pas njoftimit, në vendngjarje kanë mbërritur shërbimet e Policisë dhe grupi hetimor, të cilët kanë bërë të mundur nxjerrjen e trupave nga uji. Viktimat janë transportuar në morgun e Spitalit Rajonal të Lezhës për ekspertizë mjeko-ligjore.
Ngjarja vjen pak ditë pas një tjetër incidenti fatal në bregdetin e Shëngjinit, pranë zonës së njohur si “Rana e Hedhun”, ku dy të rinj humbën jetën në det.
