Gjykata e Posaçme konfirmoi sërish masën e sigurisë “arrest në burg” ndaj vëllezërve Kristi, Fation dhe Aleksandër Bushgjokaj, si dhe ndaj të bashkëpandehurit Petrit Hoxha alias Çakri, të akuzuar për rrëmbimin dhe vrasjen e Renis Dobrës.
Gjatë seancës, tre vëllezërit kërkuan ndjesë ndaj gjykatës dhe prokurorisë për incidentin e ndodhur në seancën e kaluar, ku ata dhunuan në kafazin e xhamtë Petrit Hoxhën, të cilin e akuzojnë se ka shpifur ndaj tyre.
Në lidhje me dhunën ndaj Hoxhës, prokuroria po kryen hetime dhe ka marrë dëshmitë e punonjësve të Policisë së Burgjeve, të cilët gjithashtu mbetën të lënduar gjatë akteve të dhunës.
Të dyshuarit akuzohen për rrëmbimin dhe vrasjen e 23-vjeçarit Renis Dobra më 8 korrik 2025.
