Kryeministri Edi Rama ka vendosur sërish këtë të premte sofrën e gurtë përpara godinës së Kryeministrisë, duke përsëritur ftesën për dialog me protestuesit.
Kreu i qeverisë ka publikuar në rrjetet sociale një video të tavolinës së vendosur jashtë godinës, shoqëruar me mesazhin “Mirëmëngjes”.
Prej disa ditësh, Rama e ka paraqitur sofrën si simbol të gatishmërisë për t’u ulur në bisedime me të rinjtë që protestojnë.
Megjithatë, studentët e kanë refuzuar ftesën për dialog, duke këmbëngulur se kërkesa e tyre kryesore mbetet dorëheqja e tij nga posti i kryeministrit.
