Gjykata e Apelit të Posaçëm ka vendosur zbutjen e masës së sigurisë për Ilir Selmani, duke e kaluar atë nga “arrest në burg” në “arrest shtëpie”.
Selmani akuzohet si një nga personat e përfshirë në ngjarjen e vrasjes së ish-policit Santjago Malko.
Sipas vendimit të gjykatës, ndryshimi i masës së sigurisë është bërë për shkak të shuarjes së afateve të paraburgimit.
Ngjarja për të cilën ai akuzohet lidhet me ekzekutimin e Malkos, i cili dyshohet se është vrarë nga një grup kriminal i njohur si “Duka”, në kuadër të një hakmarrjeje të lidhur me Ervis Martinaj.
