Mësohet se Balluku është thirrur në SPAK si person që ka dijeni për çështjen e inceneratorit të Tiranës.
Burime për VNA.al, bëjnë me dije se Balluku është pyetur për shkresën që i ka dërguarpërgjigje kryetarit të Bashkisë Tiranë, Erion Veliaj, në lidhje me Njësinë e Zbatimit të Projekteve ku i kërkon konfirmimin apo zëvendësimine e përfaqësuesve të bashkisë në këtë komision.
Kujtojmë se Erion Veliaj e shkatërroi Njësinë e Zbatimit të Projekteve dhe nuk dërgoi përfaqësuesit e tij, pikërisht që të mos krijohej struktura, e cila konstatonte tarifën e miratuar në heshtje nga bashkia.
Kjo bëri që qeveria shqiptare dhe shteti të mos ishin fare në dijeni zyrtarisht të tarifës, të vendosur nga kompania koncesionare në mënyrë të njëanshme pa një studim, pa negosim, pa një miratim nga autoriteti kontraktor.
Balluku ndodhet ende në zyrat e SPAK, ndërsa nuk dihet nëse do të ketë një deklaratë për mediat pasi të dalë.
