Kreu i PD Sali Berisha u paraqit ditën e sotme në ambientet e SPAK në kuadër të masës së ”detyrimit të paraqitjes” të vendosur ndaj tij. Në fletën e procesverbalit të paraqitjes së tij, Berisha ka shkruar se ky është një akt i turpshëm politikë me të cilin prokuroria në kundërshtim me kushtetutën kërkon ndalimin e fjalës së tij të lirë. Për këtë ai ka shkruar se : “Ky është një akt i turpshëm politik me të cilin prokuroria në kundërshtim me kushtetutën kërkon të më ndalohet fjala e lirë, dhe një gjykatës kukull i Partisë vendosi sipas kërkesës së tyre. Unë kam denoncuar dhe do denoncoj bashkëpunimin e Dumanit e kompani me krimin si një organizatë kriminale”. Këtë mendim të tij, Berisha e shkroi edhe në dokumentin e plotësuar të hënën paradite në Gjykatën e Posaçme, në zbatim të masës së sigurisë së miratuar ndaj tij, “detyrim paraqitje”.
