Senati Amerikan ka njoftuar se propozimi për emërimin e David Kostelancik si ambasador në Shqipëri i është kthyer Presidentit Biden. Kjo ndodh në përputhje me rregullin që përcakton se, nëse Senati nuk konfirmon ose refuzon një kandidaturë brenda afatit të caktuar, ajo i kthehet presidentit.
Presidenti Biden ka mundësinë ose të rinominojë David Kostelancik, ose të paraqesë një kandidat të ri për këtë post. Kostelancik ishte propozuar nga Presidenti Biden në janar të vitit 2023 si ambasador në Shqipëri, pas përfundimit të mandatit të Yuri Kim.
Ndërkohë, më 20 janar pritet të betohet Presidenti i ri, Donald Trump, i cili mund të emërojë një ambasador të ri, siç ka vepruar edhe me vende të tjera. Aktualisht, Ambasada Amerikane në Shqipëri drejtohet nga Nancy VanHorn, e Ngarkuara me Punë e SHBA-së në Tiranë.
