Ish-kryeministri Sali Berisha ka reaguar pas vendimit të Apelit të Gjykatës së Posaçme, i cili i caktoi masën e sigurisë “detyrim paraqitje”, pas ankimimit të bërë nga SPAK.
Berisha e ka quajtur këtë vendim pa asnjë bazë ligjore, duke e konsideruar si një "pilulë elektorale" për të ndihmuar kryeministrin Edi Rama dhe një përpjekje të dështuar nga ana e organizatës kriminale që ai e cilëson si SKAPI i partisë.
Sipas tij, kjo është një tentativë për të justifikuar veprimet e dyshimta të kësaj strukture. Megjithatë, Berisha ka theksuar se do ta respektojë vendimin, duke shtuar se çështja është tashmë në Strasburg dhe do të bashkohet me dosjen e tij.
“Vendim pa asnjë bazë ligjore. Pilulë elektorale për të pashpresin Edi Rama. Përpjekje e dështuar e organizatës kriminale që quhet Skrapi i partisë për të justifikuar veprën e tyre. Në këtë kontekst, dëshmi e re e kontrollit të plotë dhe total të Skrapit nga Edi Rama, zbatimit të urdhërave te tij politik. Unë çështjen e kam në Strasburg, do ta respektoj. Çështja tani siç dihet është në gjykatën ndërkombëtare të Stasburgut të të drejtave të njeriut dhe kjo të pasurojë këtë rast, do e çojmë atje ti shtohet dosjes. Edhe njëherë, gëzuar dhe faleminderit.
