Kreu i Partisë Demokratike, Sali Berisha, ka akuzuar Ministrinë e Jashtme për shpërndarjen e pasaportave diplomatike në mënyrë të paligjshme për gazetarë. Në një postim publik, Berisha shpërndan statusin e gazetarit Klodian Tomorri i cili e quan këtë veprim një shembull të “shtetit të tallavasë”, duke theksuar se është në kundërshtim të hapur me ligjet e vendit dhe konventat ndërkombëtare.
Shteti i Tallavasë
Ministri i Jashtëm ka filluar të shpërndaje pasaporta diplomatike për gazetarë. Në kundërshtim të plotë me konventat ndërkombëtare dhe ligjet e brendshme.
Këto dy javët e fundit ka shpërndarë më shumë se një. Në këmbim kap ndonjë personazh viti dikund.
Ligji përcakton se pasaportat diplomatike lëshohen vetëm për qeveritarët e larte dhe diplomatët. Nuk ka pasaporta diplomatike për gazetarë. Ka vetëm nga një pasaporte shërbimi për redaksi.
Por Hasani me Ramanin nuk pyesin për ligje. As për konventa. Se nuk i bën Hasani këto pune. Është komandanti lart që jep direktivat.
Para ca kohesh Rama goditi fshehurazi ministrin e Jashtëm të asaj kohe, Ditmir Bushatin. Këtij nuk ia bënë kështu me këtë stilin e Nesti Agonit, por zgjodhën metodë tjetër. Futen Top Channel ta godiste. Motivi i goditjes ishte se kishte shumë pasaporta diplomatike dhe shërbimi.
Pas emisionit doli vetë Rama dhe tha do shkurtojmë kategoritë përfituese dhe gjëra si këto. Ky ishte rezultati i shkurtimeve. Tallava me pasaporta diplomatike, që lëshohen në kundërshtim me ligjin si në ato sulltanatet e Lindjes.
