Dy shqiptarët, Lefteri dhe Romeo, janë arratisur nga burgu rural i Kassavetia në Greqi. Ata janë dënuar me nga 20 vite burg për vrasje, zjarrvënie dhe grabitje, dhe janë konsideruar si individë të rrezikshëm për autoritetet greke për shkak të veprave të kryera. Të dy të burgosurit, të moshës 41 vjeçare, ishin trajtuar si të burgosur të zakonshëm dhe ishin përfshirë në punë brenda burgut falë sjelljes së tyre të mirë, ndërsa masat e sigurisë ishin më të lehta për ta.
Ata ishin të dënuar për krime të rënda si bashkëpunim në vrasje, kontrabandë emigrantësh, grabitje, lëndime të rënda trupore dhe zjarrvënie. Dy shqiptarët, të cilët po vuanin dënimin që nga viti 2019, ishin vendosur në një zonë të pa rrethuar të burgut, përfituan nga leja e fundit e dhënë disa ditë më parë për të planifikuar dhe realizuar arratisjen e tyre. Pavarësisht lejeve që ata kishin marrë deri në vitin 2024, kjo arratisje u realizua pas kthimit të tyre nga leja.
