Apeli i Posaçëm kthen në ditën 1 ish-kryeministrin Sali Berisha duke i zhbërë betejën gati 2-vjeçare të përballjes me SPAK. Në tetor 2024, Gjykata e Posaçme caktoi masën detyrim paraqitje për Berishën. Këtë masë ai nuk e zbatoi pasi e konsideronte antikushtetuese, me argumentin se SPAK nuk kishte marrë autorizim në Kuvend. Dy muaj më vonë, më 30 dhjetor 2023, GJKKO caktoi arrest shtëpie për Berishën pasi SPAK mori autorizim në Kuvend. Për muaj me radhë, Berisha humbi çdo përballje me gjykatat që e lanë masën në fuqi.
Në nëntor 2024, Flojera Davidhi revokoi masën e arrestit në shtëpi, duke e nxjerrë në liri të plotë. Sot, Apeli i GJKKO prishi vendimin e Davidhit dhe caktoi për Berishën detyrim për paraqitje të hënën e parë dhe të tretë të muajit.
Më herët, Gjykata Kushtetuese tha se e vetmja masë proporcionale për Berishën është detyrimi për t’u paraqitur.
