Apeli i Posaçëm ka vendosur një masë të re ndaj ish-kryeministrit Sali Berisha, duke e detyruar atë të paraqitet në organet e drejtësisë. Vendimi vjen pas kërkesës së SPAK për revokimin e masës “arrest shtëpie”, të vendosur më herët nga GJKKO.
Avokati i Berishës, Genc Gjokutaj, e cilësoi vendimin si të çuditshëm dhe të pakuptimtë. “Ne nuk bëjmë parashikime, vendimmarrja është e Berishës. Vendimin nuk e kemi të qartë ende dhe duhet ta lexojmë,” tha ai, duke lënë të hapur çështjen nëse Berisha do të respektojë masën e re apo jo.
