Një situatë dramatike po zhvillohet në fshatrat e Delvinës, ku një zjarr i përmasave apokaliptike ka shpërthyer që prej ditës së djeshme dhe po vazhdon të përhapet me shpejtësi, i ushqyer nga era dhe temperaturat ekstreme.
Sipas autoriteteve vendore, flakët kanë përfshirë një sipërfaqe të gjerë pyjore përreth qytetit dhe tashmë po afrohen rrezikshëm drejt zonave të banuara. Disa banorë janë evakuuar në kushte ndërsa shumë të tjerë refuzojnë të largohen nga shtëpitë e tyre, duke vënë në rrezik jetën.
Shefi i Komisariatit të Delvinës, komisar Agim Troci, është transportuar me helikopter drejt Spitalit të Traumës në Tiranë, pasi ka pësuar djegie në bark, krah dhe këmbë gjatë përpjekjeve për të ndihmuar në shuarjen e një zjarri në zonën e Senicës.
Fillimisht, ai mori ndihmën e parë në spitalin e Sarandës, por për shkak të gjendjes së dëmtimeve, u vendos transportimi i menjëhershëm në Tiranë për trajtim të specializuar.
Komisar Agim Troci ishte pjesë e ekipit të punonjësve të zjarrëfikëseve dhe policisë, që morën pjesë për shuarjen e zjarrit që duket se ka dalë jashtë kontrollit.
