Një aksident tragjik ka ndodhur në aksin rrugor Dhërmi-Palasë, ku një 9-vjeçar ka humbur jetën si pasojë e përplasjes së një mjeti me barrierat mbrojtëse të rrugës.
Mësohet se automjeti tip “Benz”, i drejtuar nga 27-vjeçari Martin Konici, ka humbur kontrollin dhe është përplasur me barrierat anësore, duke rezultuar fatal për jetën e pasagjerit të mitur, Enea Prenga, 9 vjeç.
Si pasojë e aksidentit, kanë mbetur të plagosur lehtë drejtuesi i mjetit dhe një pasagjer tjetër, 20 vjeç, të cilët janë transportuar në Spitalin Rajonal Vlorë për ndihmë mjekësore dhe ndodhen jashtë rrezikut për jetën.
Sipas burimeve nga policia, pas kryerjes së testit të alkoolit, rezultoi se drejtuesi i mjetit ishte në gjendje të dehur në momentin e aksidentit. Grupi hetimor ndodhet në vendngjarje dhe po punon për zbardhjen e plotë të rrethanave të aksidentit.
