Në Gjykatën e Tiranës po zhvillohet me dyer të mbyllura procesi për autorin e dyshuar të vrasjes së Martin Canit dhe plagosjen e mikut të tij, Luis Mecja.
Në seancë, sipas burimeve, dëshmuan 5 të mitur, të cilët kanë qenë të pranishëm në ngjarjen e rëndë që ndodhi në afërsi të shkollës “Fan Noli” në Tiranë.
Mes tyre dëshmoi edhe i mituri K.B., djali i një oficeri të BKH-së, i cili ka qenë i pranishëm në vendngjarje dhe familjarët e Luis Mecja kanë pretenduar se ai është i përfshirë në krim.
Gjykata i ka pyetur të miturit në mungesë të autorit të dyshuar të vrasjes, Mario Përlleshaj.
Në seancën e ardhshme pritet të dëshmojnë edhe 7 dëshmitarë, 4 prej të cilëve të mitur.
Martin Cani u vra në afërsi të shkollës “Fan Noli”, ndërsa miku i tij Luis Mecja u plagos. Ngjarja ngriti shqetësime të forta lidhur me sigurinë në shkolla dhe u shoqërua me valë protestash nga prindërit në Tiranë.
