Elsa Ulliri është përzgjedhur nga shorti elektronik si kryesuese e trupës gjykuese që do të shqyrtojë dosjen “Partizani”, me të pandehur kryesor ish-kryeministrin Sali Berisha dhe dhëndrrin e tij Jamarbër Malltezi.
Anëtarë të trupës gjykuese do të jenë gjyqtarët Bib Ndreca dhe Rudina Palloj.
Sipas akuzës, Sali Berisha përballet me akuzën për korrupsion të kryer në bashkëpunim, ndërsa Jamarbër Malltezi akuzohet për korrupsion dhe pastrim parash.
Nën akuzë për këtë çështje janë edhe disa të pandehur të tjerë, ndërsa pritet që trupa gjykuese të caktojë brenda 10 ditësh datën e seancës së parë në gjykimin themelor.
