Emiljan Suti dyshohet të jetë autori i vrasjes së 40-vjeçarit Ilir Lika, mbrëmjen e kaluar në Laç. Burime pranë Policisë bëjnë me dije se Suti është shpallur në kërkim.
Nga hetimet paraprake rezulton se Ilir Lika, i cili ka edhe mbiemrat Gjini, Kokaj dhe Nure, sapo kishte parkuar automjetin pranë banesës së tij dhe po ngjitej në shtëpi, kur autori i dyshuar i kishte zënë pritë dhe e qëlloi për vdekje.
Ekspertët thanë se viktima kishte të paktën 7 plumba në trup, të cilët i shkaktuan edhe vdekjen.
Lidhur me motivin e krimit, Prokuroria e Lezhës është ndalur kryesisht te konfliktet e mundshme që autori dhe viktima mund të kenë pasur jashtë vendit.
Vrasja ndodhi mbrëmjen e së enjtes, rreth orës 22:10, në Kurbin. Ilir Lika humbi jetën rrugës për në Spitalin e Traumës.
