Zbardhen detaje nga ngjarja tronditëse në Shkodër, ku burri vrau gruan. Policia ka mundur të identifikojë viktimën dhe autorin e krimit të rëndë. Nga të dhënat paraprake rezulton se Shtjefën Ziçi, 62 vjeç, vrau me armë gjaku çifte bashkëshorten e tij, Bardhe Ziçi 55-vjeçe në Unazën Lindore të qytetit. Autori i dyshuar është vënë në pranga dhe pritet të japë shpjegime për krimin e rëndë. Motivet mbeten ende te paqarta.
Shkodër / Informacion paraprak
Rreth orës 13:30, në lagjen “Mark Lula”, dyshohet se për motive të dobëta, shtetasi Sh. Z., 62 vjeç, ka vrarë me armë zjarri, bashkëshorten e tij, shtetasen B. Z., rreth 55 vjeçe.
Shërbimet e Policisë kanë shkuar menjëherë në vendngjarje dhe kanë kapur autorin e dyshuar, shtetasin Sh. Z., i cili u shoqërua në Komisariat, për kryerjen e veprimeve procedurale.
Gjithashtu, shërbimet e Policisë kanë sekuestruar armën e zjarrit me të cilën dyshohet se është kryer krimi.
Grupi hetimor, në drejtimin e Prokurorisë, vijon veprimet për zbardhjen dhe dokumentimin e plotë të rrethanave të ngjarjes.
