Gjykata e Posaçme e Apelit për Korrupsionin dhe Krimin e Organizuar ka vendosur të lërë në fuqi masën e sigurimit “Arrest në burg” ndaj Eralbi Breçanit.
Breçani akuzohet për trafikimin e 446 kilogramëve kokainë, në kuadër të një grupi të strukturuar kriminal. Sipas Prokurorisë së Posaçme, ai dyshohet se është pjesë e një grupi kriminal të drejtuar nga Ervin Mata.
Vendimi i Apelit erdhi pas shqyrtimit të ankimit të bërë nga Breçani kundër vendimit të Gjykatës së Posaçme të Shkallës së Parë, e cila kishte vendosur vijimin e masës së sigurisë “Arrest në burg”.
Trupa gjykuese e përbërë nga gjyqtari Dhimitër Lara vendosi të miratojë vendimin nr. 43, datë 15.06.2026, të GJKKO-së së Shkallës së Parë, duke konfirmuar vazhdimin e zbatimit të masës së sigurisë “Arrest në burg”.
Vendimi është shpallur më 9 korrik 2026.
