Një 32-vjeçare ka mbetur e plagosur me thikë në orët e para të mëngjesit në Durrës, pas një konflikti të ndodhur në banesë me bashkëshortin e saj.
Sipas informacioneve paraprake të Policisë, ngjarja ka ndodhur në lagjen nr. 16/1, ku dyshohet se shtetasi Xh. K., 40 vjeç, gjatë një konflikti për motive të dobëta, ka goditur me mjet prerës (thikë) bashkëshorten e tij, E. K., 32 vjeçe.
E plagosura është transportuar menjëherë në spital, ku ndodhet nën kujdesin e mjekëve.
Pas ngjarjes, autori i dyshuar është larguar, ndërsa shërbimet e Policisë e kanë shpallur në kërkim dhe po zhvillojnë kontrolle intensive për lokalizimin dhe kapjen e tij.
