Një 35-vjeçar italian përfundoi në pranga pasi gjatë ndjekjes nga policia, për shkak se kishte vjedhur një makinë, përplasi disa automjete dhe goditi një punonjës Policie.
Sipas policisë, shtetasi italian, në rrugën dytësore Durrës-Tiranë, pranë një subjekti, kishte vjedhur një automjet tip “Audi Q5”.
Policia e pikasi automjetin që drejtohej nga A. E., 35 vjeç, të cilit i bëri shenjë të ndalonte afër Pallatit me Shigjeta. Por ai nuk e zbatoi urdhrin dhe, gjatë tentativës për t’u larguar, pas ndjekjes policore, përplasi disa automjete të tjera dhe më pas goditi me automjet një punonjës Policie, i cili si pasojë mori dëmtime të lehta në krah.
