Sunday, 30 August 2026
Dërgo denoncim anonim
English

EKSKLUZIVE

Më shumë
Kronika 29 August 2026, 13:16 Nga VNA

Zjarret “pushtojnë” Dajtin dhe Dibrën, pesë vatra mbeten aktive

Ndaje në Whatsapp

ssdcsddc.jpg

Pesë vatra zjarri vijojnë të jenë aktive në vend, nga 34 të raportuara gjatë 24 orëve të fundit. Situata më problematike paraqitet në Tiranë dhe Dibër.

Në malin e Dajtit janë riaktivizuar tre vatra, ku zjarrfikësit dhe efektivët e Forcave të Armatosura po punojnë për vënien e flakëve nën kontroll.

Në Dibër vijojnë zjarret në Qafë të Helmës, Vajkal, Sllatinë dhe Komsi, por sipas Ministrisë së Mbrojtjes, aktualisht nuk rrezikohen zonat e banuara.

Ndërkohë, vatrat në malin e Dardhës dhe malin e Qukësit, në Elbasan, janë nën mbikëqyrje dhe nuk paraqesin rrezik për banesat. Zjarret e një dite më parë në Vranisht të Vlorës dhe Xhyrë të Librazhdit janë shuar pas ndërhyrjes nga ajri.

Lexo gjithashtu

Video

Një 68-vjeçar është arrestuar në Kanada, pasi dyshohet se i ka vënë zjarrin Kishës Katolike St. Simon. Zjarri përfshiu me shpejtësi ndërtesën, ndërsa pamjet e filmuara nga vendngjarja tregojnë kishën të mbuluar nga flakët dhe tymi. Si pasojë e zjarrit, kulla e kishës u shemb.

Forcat amerikane kanë fundosur në Paqësorin Lindor një anije të dyshuar se përdorej si pikë lundruese furnizimi për trafikantët detarë të drogës. Marinsa dhe marinarë nga anija USS “San Antonio” hipën në bordin e mjetit lundrues dhe morën kontrollin pa incidente. Personat që ndodheshin në bord iu dorëzuan më pas autoriteteve të Ekuadorit, ndërsa anija u fundos nga forcat amerikane. Sipas Komandës Jugore të SHBA-së, anija dyshohet se mbështeste organizatën kriminale ekuadoriane “Los Choneros” në operacionet e trafikut të paligjshëm të drogës.

Një bombol gazi ka shpërthyer mbrëmjen e sotme në një banesë në fshatin Markatomaj të Lezhës. Sipas informacioneve paraprake, nga shpërthimi raportohet se kanë mbetur të plagosur 5 persona, pjesëtarë të së njëjtës familje. Të plagosurit janë dërguar me urgjencë në Spitalin e Lezhës, për të marrë ndihmën e nevojshme mjekësore. Tre prej tyre ndodhen në gjendje të rëndë shëndetësore, pasi kanë pësuar djegie të shumta në trup.

Tensionet mes emigrantëve dhe banorëve lokalë janë përshkallëzuar në Ceuta, enklavën spanjolle në Afrikën e Veriut, pranë kufirit me Marokun. Banorë të zonës kanë ndërhyrë në një kamp të improvizuar emigrantësh në plazh, duke shembur tendat dhe duke djegur sende që ndodheshin aty. Ngjarja vjen në një klimë të tensionuar pas fluksit të madh të emigrantëve që kanë kaluar nga Maroku drejt territorit spanjoll. Sipas të dhënave të raportuara, rreth 72 mijë persona kanë kaluar kufirin, megjithëse pjesa më e madhe janë kthyer më pas.

×
❮ ❯

opinion

Opinionet e shprehura i përkasin autorëve dhe nuk përfaqësojnë qendrimin e redaksisë.

Histori të harruara

Më shumë lajme