Këngëtarja nga Kosova, Egzona Ademi, i është drejtuar policisë, ku ka bërë denoncim lidhur me publikimin dhe shpërndarjen në internet të videove intime të kompozitorit Adrian Hila.
Ademi është paraqitur pranë autoriteteve, ku ka dhënë deklarimet e saj dhe, sipas raportimeve, ka përmendur edhe emra konkretë që mund të ndihmojnë në zbardhjen e mënyrës se si materialet kanë përfunduar në rrjet.
Hetimet janë përqendruar te origjina e videove, mënyra e regjistrimit të tyre dhe personat që mund të kenë pasur akses në materialet përpara se ato të shpërndaheshin publikisht.
Në kuadër të verifikimeve, policia ka marrë deklaratën edhe të një artisti të ri, ndërsa pritet që të merren në pyetje edhe persona të tjerë që mund të kenë dijeni për çështjen.
Materialet intime të lidhura me Adrian Hilën kanë qarkulluar ditët e fundit në internet dhe rrjetet sociale, duke ngritur pikëpyetje mbi rrethanat e regjistrimit dhe mënyrën se si ato janë bërë publike.
Autoritetet vijojnë hetimet për të përcaktuar përgjegjësitë dhe për të identifikuar personat që mund të qëndrojnë pas publikimit apo shpërndarjes së materialeve.
