Debati mes analistit Fitim Zekthi dhe gazetarit Alfred Lela ka agravuar në studion e emisionit “Open” në News24.
Situata u acarua kur Lela, i irrituar nga akuzat e Zekthit i cili i tha se mbronte një politikë të papranueshme dhe kishte shfaqur mbështetje më parë për Ramën, hodhi shishen e ujit drejt analistit.
Pjesë nga debati:
Zekthi: Është e papranueshme të më ndërpresësh fjalën. Ke një orë dërr dërr. Ta qaj hallin, por..
Lela: Çfarë halli kam unë Fitim
Zekthi: Mbron një politikë të papranueshme
Lela: Për cilin hall e bëj, përveçse dua?
Zekthi: Mbron një gjë jo parimore. Dhe jo parimore është të mbrosh politikanë që kanë 34 vjet në pushtet që kanë vjedhur këtë vend. Mbron parti doganierësh, parti njerëz që kanë vjehdur pronat, kanë bërë zullumin
Lela: Ti ke qenë kandidat për deputet, turp të të vijë që ke pranuar. Unë nuk kam patur asnjë rol në atë parti.
Zekthi: Ti ke mbrojtur parti të tjera, ke mbrojtur Ramën, Metën, unë s’i kam mbrojtur kurrë ata. I lëmë këto gjëra
Lela: O ti unë kam ikur nga media Mapo për të mos mbrojtur Edi Ramën, si s’të vjen turp (Hedh shishen)
Zekthi: Ore maskara
Lela: Unë për të kam ikur! Sharlatan
Zekthi: Ti Alfred, e teprove, mos e tepro më
Lela: Unë të bëj qëndresë për një personazh si Sali Berisha, ti më thua mua se paskam shkuar… ti ke qenë kandidat për deputet, anëtare kryesie.
ScreenRecording_10-24-2024 23-41-40_1
