Kreu i qeverisë Edi Rama ka rinisur turet në Diasporë. Sot, kryeministri është nisur drejt Shteteve të Bashkua të Amerikës, ku pritet të mbajë një takim me shqiptarët atje. Në 26 Tetor takimi zhvillohet me shqiptarët që jetojnë në New York. Takimet vijnë në kuadër të turit të nisur në maj të këtij viti me diasporën. Pas New York-ut Rama do të udhëtojë më 3 nëntor për në Selanik ku do të takohet me shqiptarët në Greqi. Nga mediat mësohet se temë të takimeve janë investime të shqiptarëve në Shqipëri por edhe vota e diasporës tashmë e garantuar me Kodin zgjedhor, për zgjedhjet parlamentare të vitit 2025, të cilat mbahen në Shqipëri.
Vota
Por sa vota ka Diaspora? Eduard Zaloshnja ma zhvilluar në sondazh për emisionin "Frontlone", transmetuar në Report TV, nga ku rezulton se nga 3.7 milionë shtetas shqiptarë që figurojnë në listat e zgjedhësve, 1.75 milionë janë jashtë Shqipërisë (1.95 milionë banojnë këtu, sipas Censit-23). Po sa nga 1.75 milionë zgjedhësit në emigracion do të votojnë në zgjedhjet parlamentare?
Nga sondazhi rezulton se me afërsi rreth 500 mijë zgjedhës në emigracion janë të prirur të votojnë në zgjedhjet parlamentare. Por siç na tregon thënie e urtë popullore, nga e thëna në të bërë ndanjë det i tërë.
Procedura
Sipas rregullores së miratuar nga KQZ, procedura për votën e Diasporës përfshin:
1. Shkarkon Aplikacionin e KQZ
2. Hap një llogari në Platformën e KQZ
3. Identifikohet me:
- Shenjat e fytyrës,
- Kodin gjashtë shifror në telefon,
- E-mail,
- Numrit Personal të ID
- Pasword
Pastaj ngarkon në Platformë:
4. Kontratë qeraje ose dokument pronësie për vendqendrimin jashtë vendit.
5. Adresë fizike
6. Adresë elektronike
7. Numër telefoni
Më pas bën kërkesën për t'u regjistruar dhe pret 5 ditë që KQZ të verifikojë të drejtën për të votuar.
Interesin dhe gadishmërinë e emigrantëve për të votuar në Shqipëri pritet të shihet në vijim. Jo vetëm për shkak të procedurave të komplikuara por edhe për kostot që parashikon ky proces, deri në mbërritjen në vendin tonë të votës së emigrantëve.
