Presidenti i SHBA-së, Donald Trump, ka reaguar pas dorëheqjes së kryeministrit britanik Keir Starmer, duke e cilësuar atë si një “mik”, por njëkohësisht duke e kritikuar ashpër për politikat e tij.
Gjatë një deklarate për gazetarët në Shtëpinë e Bardhë, Trump tha se Starmer kishte dështuar në tre fusha kryesore: energjinë, emigracionin dhe kriminalitetin.
“Ai është shumë i mirë, do të thoja në një farë mënyre, një mik. Por kishte tre probleme: energjinë, emigracionin dhe kriminalitetin. Ai qëlloi veten në këmbë”, deklaroi presidenti amerikan.
Trump shtoi gjithashtu se Starmer “nuk ishte i mirë me ne në NATO”, duke lënë të kuptohet pakënaqësinë e tij ndaj qëndrimit të ish-kryeministrit britanik për të mos mbështetur operacionin ushtarak amerikan kundër Iranit.
Presidenti amerikan vazhdoi kritikat ndaj politikave energjetike të Londrës, veçanërisht zhvillimit të energjisë së erës, ndërsa përsëriti se Britania duhet të ndjekë një qasje më të ashpër ndaj emigracionit, të ngjashme me atë që ai ka promovuar në SHBA.
Starmer njoftoi dorëheqjen të hënën, pas muajsh presioni politik dhe rënieje të mbështetjes brenda Partisë Laburiste. Ai informoi më herët për vendimin e tij Charles III dhe më pas e bëri publik largimin përmes një fjalimi në Downing Street.
Sipas raportimeve, favoriti për ta pasuar në krye të qeverisë britanike është Andy Bur
