Izraeli dhe Hamasi kanë rënë dakord për një armëpushim në Gaza dhe për lirimin e pengjeve pas 15 muajsh luftë. Marrëveshja u konfirmua nga ndërmjetësit që ishin Katari dhe SHBA-ja. Kryeministri i Katarit Sheikh Mohammed bin Abdul Rahman Al Thani tha se marrëveshja do të hyjë në fuqi të dielën derisa të miratohet nga qeveria izraelite.
Presidenti i SHBA Joe Biden tha se marrëveshja do të “ndalonte luftimet në Gaza, do të shtonte ndihmën humanitare shumë të nevojshme për civilët palestinezë dhe do të ribashkonte pengjet izraelite me familjet e tyre pas më shumë se 15 muajsh në robëri”.
Zyra e kryeministrit izraelit tha më herët se kishte “disa klauzola të pazgjidhura”, por shpresonte se detajet mund të finalizoheshin të mërkurën mbrëma. Një zyrtar i Hamasit tha se kishin rënë dakord me draftin e prezantuar nga ndërmjetësit.
Palestinezët në Gaza dhe familjet e pengjeve izraelite festuan menjëherë lajmin. 33 nga pothuajse 100 pengjet që mbahen ende nga Hamasi do të shkëmbehen me të burgosur palestinezë në burgjet izraelite gjatë fazës së parë 6-javore të armëpushimit.
Forcat izraelite do të tërhiqen nga zonat e populluara të Gazës, palestinezët e zhvendosur do të lejohen të fillojnë të kthehen në shtëpitë e tyre dhe qindra kamionë ndihma do të lejohen të hyjnë në territor çdo ditë.
Negociatat për fazën e dytë – e cila duhet të lirojë pengjet e mbetur, një tërheqje të plotë të trupave izraelite dhe një “qetësi të qëndrueshme” – do të fillojë në ditën e 16-të të armëpushimit.
Faza e tretë dhe e fundit do të përfshijë rindërtimin e Gazës – diçka që mund të marrë vite – dhe kthimin e trupave të mbetur të pengjeve.
Marrëveshja pritet të miratohet nga kabineti izraelit, ndoshta në mëngjesin e së enjtes, megjithëse ministri i Sigurisë Kombëtare i ekstremit të djathtë ka thënë se do të votojë kundër.
Më pas emrat e të gjithë të burgosurve palestinezë që do të lirohen do të bëhen publike nga qeveria izraelite dhe familjeve të çdo viktime do t’u jepet 48 orë për të apeluar.
Ushtria izraelite nisi një fushatë për shkatërrimin e Hamasin në përgjigje të sulmit të paprecedentë të këtij grupi në Izraelin jugor më 7 tetor 2023, në të cilin rreth 1200 njerëz u vranë dhe 251 të tjerë u morën peng.
Më shumë se 46 700 njerëz janë vrarë në Gaza që atëherë, sipas ministrisë së shëndetësisë të territorit të drejtuar nga Hamasi. Shumica e popullsisë prej 2.3 milionë banorësh është zhvendosur. Gjithashtu ka një shkatërrim në masë dhe mungesa të mëdha të ushqimit, karburantit, ilaçeve dhe strehimit.
Izraeli thotë se 94 nga pengjet mbahen ende nga Hamasi, prej të cilëve 34 supozohen të vdekur. Përveç kësaj, janë 4 izraelitë që janë rrëmbyer para luftës, 2 prej të cilëve janë të vdekur.
Forcat izraelite do të tërhiqen nga zonat e populluara të Gazës, palestinezët e zhvendosur do të lejohen të fillojnë të kthehen në shtëpitë e tyre dhe do të ketë një rritje të ndihmave humanitare.
