Bledar Hajdari, 28 vjeç, lojtar i skuadrës FC Dajti, ndërroi jetë në fushë gjatë një ndeshje kampionati që luhej në fushat e reja të FSHF. Mësohet se lojtari ka pësuar arrest kardiak dhe, pavarësisht se është transportuar për në spital, nuk ka mundur të nbijetojë. Kampionati i quajtur “Sunday League” i përket futbollit amator, por organizohet nga FSHF dhe klubet paguajnë një tarifë për të marrë pjesë aty. Pagesa teorikisht bëhet për të garantuar terrene, arbitra dhe asistencë mjekësore, ndërsa nga informafionet paraprake mësohet se nuk ka pasur ambulancë gjatë ndeshjes dhe ajo ka ardhur pas disa minutash! Ky është rasti i dytë fatal ende pas atij të Rafael Dwamena që ndërroi jetë në fushë më 11 nëntor 2023 në ndeshjen Egnatia-Partizani. Pak javë më parë VNA shkruajti për rastin e Dwamena sepse nuk dihet se çfarë u bë me hetimet, ndërsa tani ndodh një tjetër humbje jete në fushën e lojës.
