Presidenti amerikan Joe Biden ka bërë një tjetër gafë gjatë prezantimit të Kamala Harris në takimin e fondacionit të konventës së kongresmenëve afro-amerikanë në Washington.
81-vjeçari u ngatërrua duke iu referuar vetes si president, i cili shërben “krah presidentit të parë me ngjyrë”, pa mundur ta përfundojë fjalinë e tij në mënyrë të qartë.
Në ceremoni presidentit iu akordua edhe një medalje, përpara se t’ia linte podiumin kandidates presidenciale Demokrate, Kamala Harris.
CBC është një grup kongresmenësh afro-amerikanë, i cili përbëhet kryesisht nga kongresmenë Demokratë, ndonëse vizioni i themeluesve të kësaj konvente ishte ai i një organizate që do t'i tejkalonte ndasitë politike.
