Në sezonin e tij të fundit me Liverpoolin, Mohamed Salah ka arritur të barazojë rekordin e Steven Gerrard, kapitenit historic tw Liverpool, për numrin e golave në derbin e Merseyside në Premierligë.
Sulmuesi egjiptian realizoi golin e nëntë në këtë përballje gjatë fitores dramatike 2-1 ndaj Evertonit të dielën, sfidë që u vendos nga një goditje me kokë e Virgil van Dijk në minutat shtesë.
Tri pikët e fituara e mbajnë Liverpoolin fort në garë për një vend në top-5 dhe një biletë për në Ligën e Kampionëve. Pavarësisht një sezoni me vështirësi, Salah u shfaq vendimtar në momentet kyçe, duke zhbllokuar rezultatin ndaj Evertonit dhe duke konfirmuar rëndësinë e tij për skuadrën.
Pas barazimit të vendasve, ishte Van Dijk ai që vulosi fitoren në minutën e 100-të, duke i dhënë ekipit një sukses jetik. Goli i Salah ndaj rivalëve lokalë e çon atë në krye të listës historike së bashku me Gerrardin, ndërsa pritet që ai të largohet në fund të sezonit me statusin e një legjende të klubit.
Në këtë edicion të Premierligës, Salah ka kontribuar me shtatë gola dhe gjashtë asistime në 23 ndeshje, duke u bërë gjithashtu lojtari i parë që shënon në një derbi të Merseyside në stadiumin e ri të Evertonit. Me këtë tjetër arritje, ai është drejt mbylljes së aventurës te Liverpooli në mënyrë të suksesshme.
