KF Ferizaj ka njoftuar ndërprerjen e bashkëpunimit me trajnerin Nevil Dede.
Vendimi është marrë menjëherë pas barazimit ndaj FC Prishtina e Re, në një përballje të rëndësishme në kuadër të luftës për mbijetesë.
Aktualisht, Ferizaj renditet në zonën e poshtme të tabelës dhe vijon përpjekjet për të siguruar qëndrimin në elitën e futbollit kosovar.
Ndërkohë, skuadra mbetet në garë edhe në Kupën e Kosovës, ku në ndeshjen e parë gjysmëfinale ka regjistruar fitore 1–2 si mysafire ndaj Llapit.
Postimi i plotë i klubit:
Klubi ynë njofton se ka ndërprerë bashkëpunimin me trajnerin Nevil Dede. Vendimi është marrë në interes të klubit dhe objektivave të sezonit. Për zhvillimet e radhës, klubi do të njoftojë me kohë.
