Dhjetëra qytetarë janë mbledhur sot para Konsullatës Shqiptare në Milano, duke kërkuar dorëheqjen e kryeministrit.
Protestat që nisën në Zvërnec dhe që më pas u shtrinë në disa qytete të Shqipërisë, duke artikuluar thirrje për ndryshim politik dhe largimin e kryeministrit Edi Rama, po vijojnë të organizohen edhe në diasporë.
Pas tubimeve të zhvilluara një ditë më parë në Berlin dhe Mynih, shqiptarët jashtë vendit janë mbledhur sot edhe në Itali, ku kanë bërë thirrje për largimin e kreut të qeverisë shqiptare.
Në këto protesta kanë marrë pjesë edhe familje dhe fëmijë, ashtu siç është vërejtur edhe në disa nga tubimet e zhvilluara në qytete të ndryshme të Shqipërisë.
