Shqipëria nuk ka mundur të shkojë më shumë se sa barazimi 1-1 në Riga ndaj Letonisë, duke humbur 2 pikë tepër të vlefshme, e duke na larguar ndjeshëm nga ëndrra e quajtur “Botëror”.
Edhe pse ndeshja nisi mirë për ekipin tonë, me kuqezinjtë që menjëherë krijuan volum loje dhe ishte në kontroll të topit.
Megjithatë do të vinte minuta e 21 kur pas një ndërhyrje të lehtë nga prapa të Kumbullës ndaj sulmuesit kryesor Gutkovskis, gjyqtari turk Meler akordoi penallti për vendasit. Strakosha bëri mrekullinë duke kuptuar goditjen e Ikaunieks, duke evidtuar golin e disavantazhit.
Dhe “ligji” i pashkruar i futbollit “kur nuk shënon e pëson” ishte për letonezët, teksa në minutën e 29, një krosim nga e majta i Arbër Hoxhës, devijohet nga portieri i vendasve, nën presionin e Rey Manajt që çoi topin në fundin e rrjetës. Megjithatë fraksioni i parë do të mbyllej në barazim, kjo pasi Letonia barazon në kohën shtesë, pas zhvillimeve të një këndoreje me kapitenin Cernomordijs që devijon saktë me kokë një harkim nga e djathta duke mposhtur Strakoshën.
