Gjykata e Lezhës caktoi masën e sigurisë “arrest me burg” për Klevis Ndrecën dhe Daniel Gjeloshin, të dyshuar për përplasjen me armë në Lac, ku për pasojë humbi jetën 1 person dhe u plagosën 4 të tjerë, mes tyre dhe një e moshuar shitëse ambulante. Ndaj tyre rëndojnë dyshimet për vrasje dhe armëmbajtje pa leje.
Ngjarja ndodhi 3 ditë më parë në rrugën që të con tek Kisha e Lacit. Sipas policisë, Klevis Ndreca po udhëtonte në makinë me Amarildo Ndojn, ndërsa Daniel Gjeloshi me miqtë e tij Liridon Ismailajn dhe Gerald Bitrin.
Konflikti mes të rinjve nisi pasi makinat në lëvizje, prekën pasqyrat. Në momentin që kanë lënë të sqarohen ata kanë nxjerrë armët dhe kanë qelluar. Sipas policisë, Klevis Ndreca plagosi Gjeloshin, Amarildo Ndojin, Liridon Ismailaj dhe Gerald Bitrin, ky i fundit ndërroi jetë në spital. E plagosur mbeti edhe Angjelina Gjezaj, e cila shiste qirinj për besimtarët që shkonin në Kishën e Laçit.
